Paturogen ni Pacquiao ni Marquez: Chavit

GALIMUYOD, Ilocos Sur –  Maturog ni Marquez iti panagboksingda ken ni Manny Pacquiao inton Nobiembre 13 idiay Las Vegas, Nevada, daytoy ti forecast ni Gov. Luis “Chavit” Singson.

Kinuna ni Singson a narigat a pugtuan no ania a round a patumbaen ni Pacquiao ni Marquez ngem ti masiguradona ket ma-knock out ti Mehikano a boksingero.

Inlawlawagna nga iti immuna a panagboksing dagiti dua, bimmaba iti dagsen ni Pacquiao ket nagbalin a bentahe daytoy ken ni Marquez.

Sangkabaga ni Marquez kadagiti interbiona nga isu ti nangabak iti immuna a dua a panagboksingda ken ni Pacquiao.

Kinuna met ni Freddie Roach a paturogen ni Pacquiao iti umuna a round ni Marquez iti daytoy maikatlo a panagsangoda iti ring.#