Footer

Pay loader operator, napapatay iti quarry site

SANTA, Ilocos Sur – Susik mainaig iti daga iti quarry site ditoy nga ili ti kitkitaen ti polis a puon ti nakapapatayan ti maysa a pay loader operator idi malem ti Septiembre 18.

Segun iti report manipud iti polis, pinaltogan ni Bonifacio Pigao, agnaed iti Barangay Banaoang, Bantay, Ilocos Sur ni Noel Campus y Alambra, 46, residente iti Barangay Sacuyya, ditoy nga ili bayat ti panag-operate ti biktima iti pay loader iti quarry site a sakup ti Barangay Banaoang, Santa.

Nakasarak dagiti nagresponde a polis iti walo a kapsula manipud iti cal. 45 iti nakapasamakan ti pammaltog.

Intaray dagit katrabahuanna ni Campus iti Metro Vigan Cooperative Hospital idinto a naglibas ni Pigao, a naglugan iti Honda TMX motorcycle a minaneho ti maysa a di nabigbig a kaduana.

Mapapati a susik iti daga ti nakagapu iti panangpanggep ti suspek iti biag ti biktima.#