Pecos machines, guardiado iti warehouse a nakaibodegaanda

BANTAY, Ilocos Sur – Impatalged ti provincial election officer a natalged dagiti Pecos machines a nakabodega iti warehouse ti Commission on Elections iti Barangay Balaleng ditoy nga ili ta guardiado kadagiti polis.

Kinuna ni Atty. Alipio Castillo, provincial election supervisor iti Ilocos Sur, a maiwaras dagiti Pecos machines kadagiti polling precincts inton Mayo 6 ket iti daytoy met la nga aldaw ti pinal a pannakapadasda tapno maammuan no gumangana dagitoy ket no adda man depektibo, dagus a maipasubli iti Manila para iti pannakasukatda.

Innayonna nga agtalinaed dagiti Pecos machines kadagiti polling places agingga iti aldaw ti panagpipili a guardiaan dagiti polis.

Kas iti presidential elections idi 2010, maaramat dagiti Pecos machines iti panangbutos kadagiti senador, diputado, gobernador bise gobernador, bobokal, city ken mayors, city ken town vice mayors ken  city ken municipal councilors.#