Peke nga abogado, nangbiktima iti balo

CANDON CITY – Maysa a balo ti nabiktima ti maysa a lalaki a nagpammarang nga abogado iti uneg ti law office ti maysa nga abogado ditoy siudad idi Hunio 27.

Nagpulong iti polis ditoy ni Feliza Chan, 87, balo, agnanaed iti Gen. T. de Leon, Valenzuela nga intaray ti maysa a lalaki a nagpammarang nga abogado ti walletna a naglaon iti kuartana, ATM ken nadumaduma nga ID.

Segun ken ni Chan, nagranada ti suspek iti Basabas Law Office iti Barangay San Jose ket inyam-ammo ti suspek ti bagina a kas Abogado Castro.

Kinuna ti biktima a pinasuplian ti suspek ti nabukel a P1,000.00 a kuartana iti dua a sag-P500.00 sana indiaya nga agmeriendada ket nangted iti P100.00 nga igatang ti biktima iti merienda.

Kinuyog ni Andrea Torres, 22, sekretaria ti nasao a law office, ti biktima a rimmuar a napan gimmatang iti merienda.

Kinuna ti biktima nga idi nagsublida, awan metten ti lalaki ket naduktalanna laengen nga awan metten ti walletna a naglaon iti P40,000.00 a naikabil iti nangisit a bagna., ATM, passbook ken nadumduma nga Idna.

Segun ken ni Esperanza Chan, kabsat ti biktima, apaman a nakapanaw dagiti biktima, impakada ti suspek a rummuar apagbiit.

Kinuna ti polis ditoy a kaarngi ti lalaki ti deskripsion ti suspek a nangbiktima met laeng iti maysa a taga-Santa Lucia, Ilocos Sur.#