NARVACAN, Ilocos Sur – Taga-Pug-os,Cabugao, Ilocos Sur manen ti natiliw a nangsipdut iti kuarta ti maysa a pensionado bayat ti panagpustana iti galiera iti Barangay Lungog, ditoy.

Segun iti report, natiliwan ni Jesus Mambolo, residente iti Pug-os, Cabugao, Ilocos Sur, a nangsipdut iti P5,000 a kuarta ni Josue Rilleba, pensionado a residente iti Poblacion, Lagangilang, Abra bayat ti kaaddada iti galiera.

Naipan iti police station ni Mambolo para iti pannakaimbestigana.

Iti kallabes, adda dagiti kaso ti panagsipdut a naisayangkat iti galiera a nakatiliwan dagiti mannipdut a nangibaga a residenteda iti Pug-os, Cabugao, Ilocos Sur.#