Pensionado, nataktak pannakaalada iti tsekeda

VIGAN CITY – Kinuna ti hepe ti Philippine Veterans Affairs Office (PVAO) ditoy probinsia a nataktak ti pannakaited dagiti pension dagiti beterano gapu iti naladaw a pannakayisio ti notice of cash allocation (NCA).

Kinuna ni Victoria Antiporda, hepe ti PVAO-Ilocos Sur a naruk-atan laeng dagiti pension dagiti beterano idi Hunio 25 ken 28, imbes nga idi Hunio 20 ken 25 a regular a pannakaruk-at dagitoy gapu ta naladaw nga inyisio ti Department of Budget and Management (DBM) ti NCA.

Kinuna ti hepe ti PVAO nga inremitda dagiti pension dagiti beterano para iti Hunio 25 iti Development Bank of the Philippines (DBP), Philippine Veterans Bank, Air Materiel Wing Services and Loan Association, Composite Wing Savings and Loan Association ken ti  Armed Forces and Police Savings and Loan Association.

Para met iti Hunio 28, iti Asia United Bank, Land Bank of the Philippines, Maybank Philippines, Inc and United Coconut Planters Bank ti nangalaan dagiti pensionado kadagiti tsekeda.

Kinuna ni Antiporda a maruk-atanto met la dagiti pension dagiti beterano iti kada 20 ken 25 mangrugi iti Hulio.#