Persons with Disabilities Week, naselebraran

CANDON CITY – Rinambakan daytoy a siudad itay nabiit ti Persons with Disabilities Week babaen kadagiti nadumaduma nga aktibidad.

Kinuna ni Candon City Social Welfare and Development Officer nga iti daytoy a tawen, malaksid ti naangay a motorcade iti aglawlaw ti siudad, adda pay pakontes a PWD Got Talent, Psychiatric test idiay Stimulation and Therapeutic Assistance Center (STAC), panagmula kadagiti kaykayo ken dadduma pay nga aktibidad.

Innayon ni Gabor nga adda pay naited a disability card kadagiti addaan rangkap tapno maikkanda iti 20% discount kadagiti gatangenda.

Kinuna met ni Flor Gabayan, presidente ti PWD, Candon City a nangrugi itay Enero, makaawat iti P2,000.00 kas tulong iti pamilia ti pumusay a PWD ken maysa a kaban a bagas idinto a pinagyamananna ni Mayor Ericson Singson gapu iti daytoy a programana a mangtulong kadagiti PWD.#