Pestisidio, napagbiddutan nga arak

VIGAN CITY –  Mapapati a di pay napnek daytoy biktima nga imminom iti arak ket ininomna ti maysa a bote a napagbiddutanna nga arak ti naggianna ngem pestisidio met gayam a nagtungpal iti ipapatayna.

Naitaray ni Jim Avila, residente iti Barangay Salindeg ditoy siudad iti Gabriela Silang General Hospital iti Barangay Tamag, ngem pimmusay iti ospital bayat ti pannakatamingna.

Segun iti report, saan nga arak ti linaon ti bote nga ininomna no di pagpatay iti kuto.

Mapapati a nakainomen ti lalaki idi naggawid ngem di pay napnek ket nagbirok pay iti inumenna nga arak.#