PhilHealth program ti gobierno probinsial, agtultuloy – Bokal Singson

VIGAN CITY – Kinuna ni Bokal Jerry Singson nga agtultuloy latta ti PhilHealth program ti gobierno probinsial nupay naapektaran iti pannakapukaw ti pork barrel dagiti congressmen.

Kinuna ni Singson nga agtultuloy latta ti bagi ti gobierno probinsial agsipud ta adda nai-set aside a pondo para itoy.

Nupay kasta kinuna ti bokal a dina masungbatan no kasano ti congressional share ti nasao a programa.

β€œAs far as the provincial government is concerned, adda nakailatang a pondo a para iti programa ti PhilHealth,” kinuna ni Singson.

Kinuna ni Singson nga amin a pasiente a sumsumrek iti Gabriela Silang General Hospital ket maikkan iti agas agsipud ta sapsapado dagiti agas manipud iti Botika ng Probinsya a maited kadagiti district hospitals.

β€œNa-upgrade ti sistema dagiti agas iti probinsia, naka-audit ken naka-itemized amin dagiti ag-agas iti Botika ng Probinsya, ammoda no adda agkurang wenno awan nga agas,” kinuna ti bokal.#