Philippine Water Run naisayangkat tapno makaur-or pondo para iti nadalus nga inumen

by Danny Antalan/Mancielito S. Tacadena

VIGAN CITY – Naangay ti maysa a pataray ditoy tapno makaur-or iti pondo nga igatang iti equipment a mangdalus iti inumen dagiti munisipalidad iti pagilian idi Septiembre 18 ditoy.

Indauluan ni Ilocos Sur First District Congressman Ryan Luis SingsonĀ Ā  ti nasurok 800 a tumataray manipud iti probinsia ti Ilocos Sur, Ilocos Norte, Pangasinan ken Baguio City iti 1stĀ Philippine Water Run-Vigan City Leg a nairugi ditoy siudad iti daytoy nadakamat nga aldaw.

Kaduana ti asawana, nakipartisipar ni Singson 5K run.

Nangrugi ti programa agarup alas singko ti parbangon ditoy Heritage City a nakipartisiparan pay dagiti sports enthusiasts a pakaibilangan dagiti polis, mangisursuro, estudiante ken dadduma pay.

Iti media category, inyalat ti Leoncio Balbin, Jr. ti Philippine Daily Inquirer ti 1stĀ prize, ni Arlon Serdenia ti DZTP Radio Tirad Pass ti 2ndĀ Prize ken ni Freddie Lazaro ti Manila Bulletin ti 3rdĀ Prize.

Iti 10K category, inyalat met ni Hernani Sori ti Baguio City ti umuna a gunggona, maikadua ni Reynaldo Pascua ken maikatlo ni Arthur Garridan.

Kangrunaan a panggep ti pannakaangay ti pataray ti pannakaur-or iti pondo nga igatang iti equipment a mausar a mangdalus iti danum nga inumen kadagiti 36 a munisipalidad iti pagilian nga awan nadalus aĀ  danum a mainumda.

Sumaruno a maangay ti pataray iti Naga City (Oktobre), Quezon City (Nobiembre), Marikina City (Enero 2012), Davao City (Pebrero 2012) ken Cebu City (Marso 2012).#Ā Ā