Footer

PIA INFOBITS

Ti selebrasion ti Begnas Festival ket maysan nga official festival dagiti Indigenous People iti Ilocos Sur babaen ti Provincial Ordinance No. 0002-18 nga pinutar ni Bokal Joselle F Gironella.

Naamendaran met ti Municipal Ordinance ti Traffic Rules and Regulations ti ili a Magsingal babaen ti Municipal Ordinace No 14 s 2017.

Kasapulan nga amin a household ken building establishments iti ili ti Suyo ket mangala iti Sanitary Inspection Clearance. Dagiti aglabsing ket mamulta. (Mun Ordinance No 27 s 2017)

Dagiti akinkukua kadagiti kolorum a traysikel iti ili a Suyo ket masapul nga ikkatenda ti logo and body number a nakaikabil iti sidecar ti luganda. (Mun Ordinance No 25 s 2017)

Masalluadan ti Veterans Landmarks ti Mt Tapao iti ili a Suyo babaen iti Municipal Ordinance No 23 s 2017. Maregulate ti panagbangon dagiti pasdek kadaytoy a lugar 100 metro manipud iti landmark.

Tapno masalluadan ti salun-at dagiti taga-ili ti Santa, naaramid ti Municipal Ordinance No. 37 s 2017 a mang-regulate ti panaglako ti anti-microbial drugs iti ili.

Maiparit ti panaglako, panagusar, panaggiwaras ken panag-advertise ti sigarilio ken dadduma a produkto ti tabako ken electronic cigarettes kadagiti dadduma a lugar iti ili a Sugpon babaen ti Municipal Ordinance No 2017-06. Madusa dagiti aglabsing.

Tapno masalluadan dagiti pine trees iti ili a Suyo, naaramid ti Municipal Ordinance No 24 s 2017 tapno mapreserba dagiti nakatakder a kayo a pino iti ili.

Kayat ti ili a Suyo a masalluadan ti Karayan Chico ken dagiti adda iti aglawlawna nga waig, isu a naaramid ti Municipal Ordinance No 08 s 2017 a nangaramid kadagiti pagallagadan para iti pannakasaluad iti aglawlawna mainaig iti panagala ken panagkutkut iti bato ken dadduma pay iti karayan ken waig.

Parte ti kultura iti Suyo ti panagngalngal ti mama, ngem ta met la sadino ti pagitupraan dagiti agindeg. Naputar ti Municipal Ordinance No 26 s 2017 tapno maregulate ti panagngalngal ken panagtupra ti mama kadagiti pampubliko a lugar iti ili.

Tapno sumayaat ti trapiko ti ili a Sigay, naputar ti Municipal Ordinance No 17-10 s 2017 a mangipatakder ti Traffic Management Code ti ili ti Sigay. /ipcr