Piesta iti Bantay, narambakan

CANDON CITY – Agdagup iti 10,000 a kaykayo ti naimula iti Candon Watershed sadiay San Andres-Palacapac kas paset ti selebrasion ti Piesta ti Bantay itay Hunio 30.

Kinuna ni Bokal Robert Tudayan, brainchild ti Piesta Ti Bantay, nga adun ti naimula a kayo ken agbunga a kayo iti watershed iti tinawen a panagmula ket makatulong daytoy iti kampania kontra iti global warming.

Timmabuno da Bise Gobernador Deogracias Victor Savellano, Bokal Tudayan ken Bokal Pablito Sanidad, Jr. ti nasao a selebrasion a nakipartisiparan dagiti aganay a 400 a partisipante ti nakipagpaset iti tree planting itoy a tawen tattao a pakairamanan dagiti empleado ti provincial government, LGU-Candon City, estudiante ken mangisursuro ti pagadalan, non-government organization, ken dadduma pay a grupo.

Malaksid iti panagmula iti Candon Watershed, adda pay panagmula ti seedlings kadagiti munisipio kas panakipasetda itoy a programa.#