Footer

Piesta, parada dagiti Filipino iti Hawaii, naangay

HAWAII – Naangay itay Mayo 7 ti Maika-19 a tinawen a piesta ken parada dagiti Filipino nga agnaed ditoy babaen ti panangidaulo ti Filipino Community Center nga ipanguluan ni Toy Arre, Jr., presidente.

Nakipartisipar iti parambak dagiti nadumaduma a grupo a pakairamanan ti Hawaiian Airlines, Hawaii Tourism Authority, GMA Pinoy TV, Western Union, City & County of Honolulu, Island Insurance Foundation, Renato & Maria Etrata Foundation, Hawaii Community Foundation, Honolulu Filipino Junior Chamber of Commerce, Congress of Visayan Organization, United Filipino Council of Hawaii, Oahu Filipino Community Council.

Nakidanggay met iti parambak dagiti adu a grupo ti Ilokano a pakaibilangan ti Ilocos Surian Association of Hawaii nga indauluan ni Danny Villaruz, Annak ti Sinait iti Hawaii ken dadduma pay a gunglo.

Naipatakder pay dagiti booth a nakaipabuyaan dagiti ladawan ken pakasaritaan dagiti nadumaduma a rehion iti Filipinas kasta met dagiti tolda dagiti nadumaduma a negosio.#