Pimmaltog iti kabsatna, naisuko

SINAIT, Ilocos Sur – Boluntario nga insuko ti barangay captainĀ  ken ikitna ti suspek a pimmaltog iti kabsatna idi rabiiĀ  ti Enero 4 sadiay Barangay Nagbalioartian, Sinait, Ilocos Sur.

Kinuyog ti ikitna ken ni Barangay Captain Christian Yoro ni Errol Buenavista y Tomamao a simmuko iti polis kalpasan ti panangpaltogna iti kabsatna a ni Gener Buenavista y Tomamao, 25, baro, mannalon, ken residente met laeng iti nasao a barangay.

Segun iti inbestigasion, mapapati a nagginom ti biktima iti balayda ket idi nabartek, nangriribuk.

Mapapati a nakarurod ti suspek ket pinaltogannan ti kabsatna a nagsagrapan daytoy iti dunor iti makannigid a tianna ken makannigid a takiagna.

Saan a narekobre ti homemade shotgun (buck shot) a pinangpaltog ti suspek iti kabsatna.

Mapapati a saan nga agsasao dagiti agkabsat gapu iti dida panagkinnaawatan iti kallabes.#