Pimmatay iti barangay kagawad, dida pay nabigbig

MAGSINGAL, Ilocos Sur – Agkalkalap pay dagiti inbestigador ditoy kadagiti ebidensia ken iti pannakaitudo dagiti kriminal a nangpapatay iti maysa a barangay kagawad iti Barangay San Lucas ditoy nga ili idi Oktubre 28.

Iti pannakaisurat daytoy, di pay nabigbig dagiti nangisayangkat iti pannakapapapatay ni Rodolfo Parbo y Castillo, 50, naasawaan, barangay kagawad, agpaspasada iti traysikel ken residente iti Barangay Maas-asin ditoy met laeng nga ili.

Napapatay ni Parbo iti sanguanan ti kapilia ti Iglesia ni Cristo iti Gomez Street ditoy a barangay idi agarup 3:15 ti malem ti Oktubre 28 babaen dagiti armado a suspek a nagkalubbon iti motorsiklo.#