Pimmatay iti ulitegna, nakasuan iti homisidio

STA. MARIA, Ilocos Sur – Nakasuan ti maysa a lalaki gapu iti panangpatayna iti ulitegna bayat ti panaggiinomda idi malem ti Hunio 19.

Nakasuan iti homisidio ni Freddie Cabalo y Cabuag iti opisina ti provincial prosecutor gapu iti panangbagsolna iti ulitegna a ni Arnold Cabalo y Cabuag, 62, mannalon, ken residente iti Barangay Baballasioan ditoy nga ili.

Mapapati a nagsubang dagiti aguliteg a Cabalo bayat ti drinking spree iti paraangan ti kalugaranda ket pinang-or ti lakay ti kaanakanna.

Bimmales ti suspek ket binagsolna ti ulitegna iti sumagmamano a daras iti likud daytoy a puon ti nakatayanna.#.