CERVANTES, Ilocos Sur – Nadumaduma a naririt a pine wood ti nakumpiska dagiti nagtipon a bunggoy ti polis ken ti lokal a gobierno ditoy sadiay Sitio Natukyudan, Barangay Malaya idi malem ti Enero 9.
Nangisayangkat dagiti polis ken pannakabagi ti lokal a gobierno ditoy iti operasion kalpasan a nakaawatda iti report iti kaadda dagiti lumber ti pine wood a napempen iti nadakamat a lugar.
Nakakumpiska dagiti polis iti 38 pedaso a naputedputed napempen a pine woods a mapapati a naabandona gapu iti insayangkat dagiti polis nga operasion.
Di pay ammo ti kinasiasino dagiti nagpapukan iti pine woods.
Na-impound agiti kayo iti police station ditoy para iti umisu a disposision.#