Pintor, nagbitin gapu ta tinalawan ti kalib-inna

VIGAN CITY – Mapapati a di naawat daytoy a baro ti panangtalaw kenkuana ti kalib-inna ket nagbartek sa nagbitin idi Mayo 27.

Naireport a nagbitin ni Reycris Tacal y Criste, 24,  painter, ken residente iti Barangay Capangpangan, ditoy siudad, a mapapati a nagramut iti panagsubangda ken ni Regine Torio y Fetalvero, 16, ken kalugaranna met laeng idi agarup 6:00 iti malem iti nadakamat a petsa ken panangtalaw ti kalib-inna kenkuana.

Mapapati a nagbartek ni Tacal idi pimmanaw ni Torio.

Idi agarup 7:45 ti sardam, naggawid met laeng ni Torio ngem nadatnganna laengen a  nakabitin ti biktima babaen iti nylon cord iti kusina.