Plantasion ti marihuana, naraut, 500,000 kapuon, napag-ot

CERVANTES, Ilocos Sur – Ginasut a ribu ti kadagupan dagiti pinuon ti marihuana┬á ti pinag-ot dagiti polis iti dua a barangay ditoy nga ili idi agsapa ti Enero 18.

Insayangkat ti Cervantes police station nga indauluan ni Senior Inspector Joel Lagto ken dagiti kameng ti ISPPSC nga indauluan ni Police Inspector Roberto Valiente iti iraraut iti lima a plantasion ti marihuana a masarakan iti Sitio Bilabil, Cosili, Lucaben ken Sayangan, sakup amin ti Barangay Dinwede West, Cervantes, Ilocos Sur, a nagtungpal iti panangpag-otda kadagitoy maiparparit a mula ken pannakaaresto ti masuspetsa nga agtartaraken kadagitoy.

Iti report a naggapu iti Cervantes police station, agdagup iti 100,000 fully grown marihuana plants ken 500,000 a seedlings a mapattapatta nga agbalor amin  iti P404,610,000.00 ti pinarut dagiti operatiba kadagiti nadakamat a plantasion.

Naammuan pay iti report a maysa a Victor Ganase Pinmiliw, residente iti Barangay Dinwende West ti inaresto dagiti polis kalpasan a nakakumpiskada iti likud ti balay ti suspek kadagiti sumaganad:┬á weighing scale, 2 and ┬ż kilos a marijuana buds, 5 and ┬╝ kilos ti marijuana, ken maysa a punggos dagiti sanga ti marihuana.

Naipan ti suspek ken dagiti nakumpiska iti Cervantes policen station para iti umisu a disposision.

Iti kaudian a report, napilaan ni Ganase iti kaso a panaglabsing iti Section 11 ti Article 2 ti R.A. 9165 iti Regional Trial Court Branch 25, Tagudin, Ilocos Sur babaen ti Criminal Case No. 1335-T.#