VIGAN CITY – Dumakdakkel ti masapulan ti Playa de Oro, segun iti mangimaton ditoy.
Naammuan ti Tawid News Magasin a nasurok a P2 milion ti napastrek ti Playa de Oro idi 2013.
Naipasdek iti coastal Barangay Mindoro, paborito dagiti turista a paggianan ti Playa de Oro gapu iti kinaasidegna iti baybay.
Malaksid a nadalus ti puyupoy manipud iti baybay, adda dagiti naipasdek a kubo a pagbuyaan dagiti sangsangaili iti panagpasag ti init iti kabaybayan iti malem.
Naipatakder ti Playa de Oro kas maysa kadagiti economic enterprises ti gobierno ti siudad ti Vigan.#
