Plete ti traysikel, maingato

STO. DOMINGO, Ilocos Sur – Agbalinton a P10 ti pagplete iti traysikel ditoy nga ili kalpasan nga inaprobaran ti sangguniang bayan ti petision dagiti traysikelan a maingato ti singirda iti plete.

Sakbayna, limsot ti petision dagiti traysikelan iti naisayangkat a public hearing.

Kangrunaan a rason dagiti traysikelan iti panagpetisionda ti kangina ti gasolina.

Mayimplementar ti baro a plete apaman nga aprobaran ti sangguniang panlalawigan ti ordinansa.#