VIGAN CITY – Plinastic a shabu ti sinamsam itay lawasna dagiti nagtipon a bunggoy dagiti operatiba iti  pagtaengan ti maysa a masuspetsa a drug pusher iti Barangay 3 ditoy.

Nakasamsam ti joint forces ti Philippine Anti Illegal Drug Special OperationsTask Force group (PDEA)  ken ti 103rd Provincial Police Mobile Group nga indauluan ni Insp. Randolph Biniat kadagiti sachet a mapapati a naglaon iti shabu a saan pay laeng a masinunuo ti gatadna iti pagtaengan ni Antonio Bilgera Jr. alias "Pukol" iti Barangay 3 ditoy.

Narekobre pay dagiti operatiba dagiti shabu paraphernalia, marked money ken wallet-like pieces a naglaon iti mapapati nga illegal a droga.

Imet dagiti operatiba ti maysa a search warrant idi insayangkatda ti panagsukisok iti pagtaengan ni Bilgera.#