PNP chief dinayawna dagiti police operatives

SAN FERNANDO CITY – Dinayaw ti hepe ti PNP dagiti police operatives manipud iti San Carlos Police Station gapu iti impakitada a kinatured iti pannakirupakda kadagiti armado nga agtatakaw iti baka idi Abril 15 iti San Carlos City, Pangasinan.

Iti mensahe nga impatulod ni PNP Chief Director General Nicanor A. Bartolome babaen ti SMS platform ti PNP National Operations Center (NOC), dinayawna ti grupo dagiti police operatives ti San Carlos City Police Station nga indauluan ni Chief of Police Supt. Marlon A. Tayaba, ken dagiti elemento ti 3rd Mobile Company ti Regional Public Safety Battalion 1 nga indauluan ni Police Senior Inspector Joseph Mark L. Sibayan; ken dagiti elemento ti 3rd Mobile Company ti Regional Public Safety Battalion 1 iti panangipangulo ni Police Senior Inspector Joseph Mark L. Sibayan gapu iti impamatmatda a kinatured iti pannakirupakda kadagiti cattle rustlers idi agarup 2:23 ti bigat ti Abril 15 iti Sitio Sipit, Barangay Bacnar, San Carlos City, Pangasinan.

“In behalf of the PNP, I would like to congratulate you and your team for the bravery and exemplary conduct you have shown during the armed encounter with cattle rustlers on April 15, 2012 at about 2:23 AM at Sitio Sipit, Barangay Bacnar, San Carlos City, Pangasinan that resulted in the neutralization/killing of one of the suspects and the recovery of the stolen cattle; one (1) cal. 38 revolver loaded with ammunition and two (2) spent shells; and one (1) MK2 fragmentation grenade,” kinuna ti mensahe nga impatulod ni Bartolome.

Innayon ti mensahe ti panangbigbig ni Bartolome iti “naipanurok a dedikasion nga impakita dagiti police operatives ken iti panangipustada iti bukodda a biag tapno masigurado a natalged a lugar ti komunidadtayo.”

“I urge you to keep up the good work and perform with the same zeal and dedication in all your future undertakings,” kinuna pay ti mensahe.

Kabayatanna, pinadayawan sakbayna ni Police Chief Superintendent Franklin Jesus B. Bucayu, director ti Police Regional Office 1 (PRO1), dagiti police operatives  ket impeksana ti pannakapnekna iti pannakatiliw ti maysa kadagiti cattle rustlers idinto a pinalagipanna dagiti polis iti babaenna iti panangituloyda iti initiatibo ti PRO1 maikontra iti kriminalidad.#