PNP Sinait, agkurang alawansda iti gasolina

SINAIT, Ilocos Sur – Agkurkurang ti gasoline allowance ti kapolisan ditoy a makaapekto iti inaldaw a panangipatungpalda iti trabahoda.

Kinuna ti hepe ti polis ditoy a gapu iti agkurang nga alawansda a gasolina, no dadduma kumautda pay iti bulsada tapno adda gasolina nga aramaten ti luganda nga agpatrolia ken mangipaay iti pannalaknib kadagiti lumugar ditoy.

Kiniddaw ti hepe a nayonan koma ti municipal government ti gasoline allowanceda tapno maitedda ti naan-anay a serbisio kadagiti umili ditoy.