Police, nakasukain marihuana iti motorsiklo

ALILEM, Ilocos Sur – Inaresto dagiti polis ti maysa a motorista kalpasan a nakasukainda iti maiparparit a droga iti lugan ti suspek a pinasardengda iti checkpoint iti Poblacion ditoy nga ili idi bigat ti Mayo 11.

Nasukainan dagiti polis ti bassit a pakete a naglaon iti nakurang a 30 gramo a bulong ti marihuana iti sirok ti tugaw ti motorsiklo ni Lito Estacio y Tilado, 39, naasawaan ken residente iti Barangay Amilongen, ditoy nga ili.

Mapattapatta nga agbalor ti maiparparit a droga iti P2,199.99.

Sinaksian ni Barangay Captain Efren Colyong y Gaiwen ti insayangkat dagiti polis a panagsukain iti lugan ni Estacio.#