Footer

Police trainee, aksidente a napaltogan, natay

BAUANG, La Union – Natay ti maysa a police trainee kalpasan nga aksidente a napalltogan ti padana a police trainee.

Naideklara a natayen ni Police Trainee PO1 Jun Queddeng, residente ti Caoayan, Ilocos Sur iti Ilocos Training and Regional Medical Center iti San Fernando City, La Union. 

Nainaganan ti police trainee a nangpaltog kenkuana a ni PO1 Emelito Aquino, residente iti Narvacan, Ilocos Sur.

Maibasar iti inbestigasion ti polis ditoy, agarup alas kuatro ti malem idi Nobiembre 3 idi mapapati nga inay-ayam ti suspek ti pistolna a kalibre 45 nga intutok iti ulo ni Queddeng ngem pimmutok daytoy iti sikigan ti biktima a puon ti nakatayanna.

Maysa pay a kaduada a police trainee,  ni P01 Nicolas Ragudo  a taga-Caoayan, Ilocos Sur met laeng ti nadamgisan ti bala.

Napasamak ti insidente mismo iti barangay hall  ti Barangay Calumbaya ditoy nga agserserbi a barracks dagiti police trainee kabayatan a nakadeployda iti nadakamat a lugar kas paset ti trainingda.#