Polis, mapawilan a sumrek iti galiera

BANTAY, Ilocos Sur – Nangipaulog ti provincial director iti memorandum a mangipawil kadagiti amin a polis iti iseserrekda iti paggalieraan.

Iti memorandum a naggapu ken ni PNP Provincial Director Police Senior Supt. Virgilio Fabros, pinalagipanna dagiti polis nga adda iti babaenna nga off-limits kadakuada ti galiera wenno pagpallotan idinto a binilinna dagiti station commanders ti panangidatagda iti report no ania ti aksionda iti daytoy a pammilin.

Paset daytoy iti commitment ti kapolisan a maipangato ti imahe kas Mamang Pulis.