SAN ESTEBAN, Ilocos Sur. Gapu iti kinadakes ti kalsada, nadisgrasia ti maysa a polis a nagsagabaanna iti sugat iti nadumaduma a paset iti bagina.
Nabigbig ti biktima a ni PO2 Jerry Valdez, 36, residente iti barangay Cubcubbuot, Candon City ken agdama a naka-assign iti 104th Police Provincial Mobile Group a nakabase iti Narvacan, Ilocos Sur.
Naammuan iti imbestigasion, a pampanurnoren ti biktima a nakalugan iti motorsiklona a Honda XRM nga addaan plaka ZG-8036 ti kalsada idi naigalis ti lugan a nakaigapuan iti panakaikrasna.
Naitaray ti biktima iti Reyes Clinic and Hospital sa naiyalis iti St. James Hospital idiay Vigan City.#