Footer

Polis, nakaduktal paltog iti motorsiklo ti estudiante

VIGAN CITY – Nakaduktal dagiti polis iti paltog iti compartment ti motorsiklo a minaneho ti maysa nga estudiante  iti impasdekda a checkpoint iti sango ti provincial capitol ditoy siudad idi rabii ti Oktubre 2.

Gapu itoy, naipan ni John Paul Andres y Paulino, 18, baro, 2nd year college, ken residente iti Barangay Capangpangan, Vigan, kasta met dagiti insakayna a da Sheila Mae Jose y Sunio, 18, balasang, 2nd year college, ken residente iti Barangay Sirit, Abulog, Cagayan ken Rea Cecile Pader y Oller, 18, 2nd year college ket mapilaan iti kaso a panaglabsing iti PD 1866 as amended by RA 8294.

Pinara dagiti polis ni Andres iti impasdekda a checkpoint iti Quezon Ave., Barangay I, partikular iti sanguanan ti provincial capitol nga iti dayta a kanito ket agpaabagatan a nakalugan iti  para iti beripikasion.

Segun iti report, kalpasan a pinara dagiti polis ti Yamaha Sporty Mio motorcycle, addaan iti plate number 9633ZL a minaneho ni Andres, kiniddawda ti pananglukat ti baro iti compartment ti motorsiklona ket ditoy a nakitada ti homemade cal. 38 revolver nga awanan iti serial number ken awan balana a nakaluban iti puraw a lupot.#