Polis, napapatay

BANTAY, Ilocos Sur – Maysa a polis ti napapatay bayat ti panagurayna iti luganna sadiay Barangay Naguiddayan ditoy nga ili idi Mayo 2.

Nabigbig ti biktima a ni Elpidio Bermio de Leon, 43, naasawaan, kameng ti Regional Intelligence Division, Provincial Police Office.

Segun iti inisial nga inbestigasion dagiti polis, agur-uray ni de Leon iti luganna nga agpa-Vigan idi mapapati nga inasitgan dagiti di pay nabigbig a suspek sada pinaltogan.

Nagsagrap iti nadumaduma a sugat iti makannawan a likud ti biktima.

Nakasarak dagiti inbestigador iti maysa a kapsula manipud iti gauge shotgun iti nakapasamakan ti krimen.

Maysa a puraw nga Isuzu Elf ti mapapati a nakita ti maysa a saksi a pumampanaw iti crime scene kalpasan ti pammaltog.

Ngem awan ti nakaibaga no ania ti plate number ti nasao a lugan.#