Footer

Polis a pimmaltog iti restobar, naibaluden

NARVACAN, Ilocos Sur – Agsusukot a kaso ti naisaklang maikontra iti maysa a polis a naimbolbar iti pammaltog iti maysa a restobar sadiay Maynganay Sur, Sta. Maria, Ilocos Sur a napasamak idi rabii ti Marso 18.

Nakasuan ni PO1 Randy Garnace iti double murder, attempted murder ken tallo pay a kaso iti frustrated muder iti Regional Trial Court ditoy nga ili. Naka-docket dagiti kaso iti Criminal Cases 4312-N to 4317-N. Awan ti nairekomenda a piansa ni Garnace iti double murder, idinto a P150,000 ken P200,000.00 ti pagpiansana iti attempted murder ken 3 counts a frustrated murder.

Maipalagip a natay iti nadakamat a pammaltog da Marcial Antolin, ken Mark Hanzel Ordonez y Villena, idinto a biktima iti shooting incident da Isagani Calibuso y Lima, Felipe Pineda y Domenden, Richard Jecosalem y Calixterio, Raymon Cabanting y Camson,

Iti pannakaisurat daytoy, naipaiman ni Garnace iti provincial jail, Bantay, Ilocos Sur.#