Pondo manipud RA 8240, nailatang kadagiti proyekto

LIDLIDDA, Ilocos Sur – Malaksid iti RA 7171, adda pay bingay daytoy nga ili manipud iti excise tax ti burley wenno native a tabako.

Naammuan manipud ken ni Mayor Sherwin Tomas a nasurok a P10 milion ti congressional share a naited iti daytoy nga ili manipud iti RA 8240 wenno binglay daytoy a munisipio manipud iti excise tax ti burley wenno native a tabako.

Kinuna ni Tomas a dagiti barangay a mismo ti nakaawat iti nasao a pondo a nailatang para iti farm to market roads, multipurpose buildings, farm equipments, livelihood projects ken dadduma pay a proyekto.

Kas iti RA 7171,  adda naituding nga excise tax a bingay dagiti burley wenno native tobacco producing provinces.#