Pondo para provincial scholars, nanayonan iti P2-M

VIGAN CITY – Inton umay a tawen, manayonan ti pondo para dagiti scholars ti gobierno probinsial, segun ken ni Vice Governor Deogracias Victor Savellano.

Kinuna ni Savellano nga iti calendar year 2011, nagnayon ni Gov. Luis ‘Chavit” Singson iti P2 milion isu a nagbalinen a P4 milion ti pondo para provincial scholars.

Kinuna pay ti bise gobernador a magunggonaan dagiti scholars no agturposda a  mapadayawan.

Umawat ti summa cum laude iti P30,000, ti magna cum laude iti P20,000 ken ti cum laude iti P10,000, impasingked ni Savellano.#