Pondo ti scholarship program ti NTA, dimmakkel

CANDON CITY – Dimmakkel ti pondo para iti scholarship program ti National Tobaco Administration, daytoy ti impalgak ti hepe daytoy nga ahensia.

Kinuna ni NTA Administrator Edgardo Zaragoza a manipud iti P1 milion a pondo para iti scholarship program dagiti annak dagiti mannalon, nagbalinen a P3 milion iti daytoy a tawen.

Addan 89 nga scholars a supsuportaran ti NTA Candon City Branch.

Naiyawat dagiti alawans dagiti scholars para iti panagbasada iti daytoy a semestre bayat ti nasao a taripnong dagiti mannalon.#