Positibo a droga ti nakumpiska iti nasukisok a balay

BANAYOYO, Ilocos Sur – Positibo a shabu ti nakumpiska dagiti nagtitipon nga elemento ti kapolisan iti inwayatda a panagsukisok iti balay ti maysa a residente iti Barangay Poblacion ditoy nga ili idi Agosto 28.

Idi agarup 7:30 ti malem iti daytoy a petsa, sinukisok dagiti joint elements ti ISPAIDSOTG, PDEA ISSET, PIB, ISPPSC 2nd Maneuver platoon, 103rd Maritime, CIDG ken Banayoyo Police Station ti balay ni Jerry Salingbay y Manzano, naasawaan, ken residente iti Barangay Poblacion, ditoy nga ili a nakakumpiskaanda iti lima nga elongated transparent plastic sachet a naglaon iti mapapati a shabu, maysa a naluktan a transparent plastic sachet nga addaan mapapati a shabu residue ken maysa a mentos box a kolor berde.
Iti resulta ti panangeksamen ni Roanalaine B. Baligod, forensic chemist, positibo a shabu dagiti nakumpiska iti balay ni Salingbay.#