Post harvest facility nainaguraran

CAOAYAN, Ilocos Sur – Mismo a ni Department of Agrarian Reform Secretary Virgilio de los Reyes ti naisangsangayan a sangaili iti pannakainagurar ken turn over ti post harvest facilities iti Barangay Nansuagao ditoy nga ili itay nabiit.

Agbalor iti P6.6 million nga adda counterpart ti lokal a gobierno ditoy nga idadauluan ni Mayor Germie Singson-Goulart, kabaelan daytoy post harvest facilities a laonen ti 3,000 cavans a produkto dagiti mannalon kas iti irik ken mais.

Kinuna ni delos Reyes a proyekto pay ti opisinana, kaduana ti Department of Agriculture, ti pannakaited dagiti farm equipments ken pannakapapigsa dagiti kooperatiba para iti panagdur-as ti panagbiag dagiti mannalon.

Kinuna met ni Goulart a planona nga ikkan babaen ti bingay ti ili iti RA 7171 iti puonan ti kooperatiba ti Barangay Nansuagao tapno daytoyen ti aggatang ken aglako kadagiti produkto a mais ken irik.#