PRC agaw-awaten aplikasion para LET

BAGUIO CITY – Impakaammo ti Professional Regulation Commission, Baguio Regional Office nga agaw-awaten kadagiti aplikasion para iti March 11, 2012 Licensure Examination for Teachers (LET).

Dagiti kasapulan:

1. Orihinal ken photocopy ti transcript of records nga adda scanned picture and remarks, “For Board Examination Purposes”;

2. Orihinal ken photocopy ti birth certificate nga inyisio ti NSO iti security paper;

3. Orihinal ken photocopy ti marriage certificate nga inyisio ti NSO iti security paper (para kadagiti naasawaan a babbai);

4. Tallo (3) a kaladawan a passport-size colored pictures a plain white ti background ken addaan kumpleto a name tag;

5. Kaudian a  community tax certificate (sedula);

6. Maysa a window envelope nga addaan postage stamp nga agpateg iti P9.00; ken

7. Examination fee a P900.

Deadline ti panagipila iti aplikasion: Disiembre 29, 2011 para kadagiti repeaters; ken Enero 13, 2012 para kadagiti kabarbaro/wenno first timers.

Segun iti PRC Baguio, masapul a personal nga agaplay dagiti aplikante ken saan a maiyatiddog ti deadline.#