PRC Baguio Regional Office agaw-awaten aplikasion para iti Nurses Licensure Examination

BAGUIO CITY – Impakaammo ti Professional Regulation Commission Baguio Regional Office nga agaw-awaten kadagiti aplikasion para iti Nurses Licensure Examination a maangay inton Hulio 2 ken 3, 2011.

Kinuna ti PRC Baguio Regional Office nga Abril 15 ti maudi a petsa ti panagipila iti aplikasion para kadagiti repeaters idinto a Mayo 13 ti para kadagiti baro wenno first timers.

Adda mabayadan nga examination fee a P900.

Kasapulan dagiti aplikante a personal a mapan iti PRC Baguio Office nga ag-fill-up kadagiti pormas iti Lunes agingga iti Biernes, iti alas 8:00 ti bigat agingga iti 5:00 ti malem.

Indagadag ti PRC Baguio Office nga agaplay a nasapa dagiti examinees tapno malapdan ti overcrowding.

Para iti iskediul dagiti mobile outreach programs ken dadduma pay nga impormasion, maigunamgunam kadagiti aplikante nga ag-log on iti PRC  blogsite http://www.prcbaguio.blogspot.com#