BANTAY, Ilocos Sur – Insayangkat ti Professional Regulation Commission (PRC) ti panagproseso ti pannakapabaro ti professional ID card (PIC), pannakaiyisio ti certification of good standing ken pannakaruk-at ti available PICs/board certificates kas paset ti programana a “Service on the Go” iti DepEd Division Office ditoy nga ili itay nabiit.
Nakikoordinadar ken sinuportaran ti DepEd daytoy a gannuat a naangay iti conference hall ti nasao a dibision manipud iti alas 9:30 ti bigat agingga iti alas 4:00 ti malem ti Septiembre 15, 2010.
Naakseptar pay iti daytoy met laeng nga aldaw ti pannakapabaro dagiti lisensia a nagpason ken dagiti agpason iti daytoy a tawen.#