Pres. Elpidio Quirino Award, ipaay ti ISAH

HAWAII – Esponsoran ti Ilocos Surian Association of Hawaii (ISAH) ti President Elpidio Rivera Quirino Award kas pangpadayaw ken pangbigbig kadagiti outstanding nga indibidual a nangipaay iti naisangsangayan a kontribusion  para iti panagprogreso ti gunglo ken ti komunidad ditoy.

Daytoy ti umuna a gundaway a mangipaay ti ISAH iti pammigbig kadagiti kailian a nakaited iti naisangsangayan a kontribusion iti komunidad ditoy ket maiyawat ti pammadayaw iti maysa a gala night  a maangay iti Hilton Hawaiian Village Hotel & Spa inton Agosto 27, 2011 a pakairusatanto pay ti fundraising para iti medical mission and homecoming ti nasao a gunglo.

Brainchild ni ISAH President Danny Villaruz daytoy ket agbalinton a tinawen a pagteng.#