Presio ti liveweight bimmaba ngem presio ti karne ti baboy di simmurot bumaba

VIGAN CITY – Iti baet a limmaka ti presio saan a simmurot a bimmaba ti presio ti karne ti baboy a mailako iti tiendaan publiko.

Linagidaw ti maysa a konsehal ditoy a nupay nagkari dagiti meat vendors nga ibabada ti presio ti karne ti baboy no lumaka ti gatangenda a liveweight, saanda a kayat a suroten daytoy a tulagda iti konseho ti Vigan.

Kinuna ti nasao nga opisial a yantangay bimmaba ti presio ti liveweight iti P115-P120 ti presio kada kilo ti liveweight, maisubli koma ti presio ti karne ti baboy iti P170.00.

Naipangato idi ti presio ti karne ti baboy a mailako iti tiendaan publiko ditoy iti P180.00 kada kilo kalpasan a ngimmato ti presio ti liveweight iti P120-125 kada kilo.

Kanaig daytoy, napaayaban dagiti meat vendors ken ni Vigan City Public Market Master Bonnie Corpuz tapno matratar daytoy nga issue.#