Priority projects, napunduan

CAOAYAN, Ilocos Sur – Sumagmamano a prioridad a proyekto ditoy nga ili ti naaprobaran a mapunduan iti babaen ti Priority Poverty Reduction Projects wenno bottom up projects ti nasional a gobierno babaen kadagiti nadumaduma a national agencies.

Segun ken ni Konsehal Randy Martinez, chairman ti committee on finance and appropriation, agdagup amin iti nasurok P16 million dagiti priority projects ket P15 million ti punduan dagiti national agencies idinto a P1.6 million laeng ti counterpart manipud iti lokal a gobierno ti Caoayan.

Karaman iti listaan ti maysa a dump truck a napunduan iti P1.4 million, flood control sadiay Barangay Villamar nga agbalor iti P1.1 million, P2 million para iti 15 a hand tractor a maited iti 10 a barangay, ken iti pannakaikalawa ti rural health unit ditoy nga agbalor iti P3 million.#