Private schools, nakisalipen kas maysa a unit iti provincial meet

CABUGAO, Ilocos Sur – Iti umuna a gundaway, liman a unit ti nagsasalip iti napalabas a provincial meet a naaramid ditoy nga ili itay nabiit.
Malaksid dagiti sigud nga uppat a unit manipud kadagiti publiko a pagadalan, nakisalipen kas maikalima a unit dagiti pribado a pagadalan iti probinsia.

Naammuan ti Tawid News a nabukel ti maikalima a unit gapu iti kapaliiwan a bassit ti bilang dagiti atleta manipud kadagiti pagadalan a pribado a maarisit a maitipon kadagiti units a makisalip iti provincial meet.

Segun ken ni Division of Ilocos Sur MAPE Supervisor Meneleo Palma, naisingasingna daytoy tapno dumakkel ti partisipasion dagiti private schools iti provincial meet.

Naangay ti Provincial Meet ditoy nga ili manipud Disiembre 1-5 a nakaisibbuan ti Cabugao District Athletic Oval a naipasdek babaen ti panagkinnamayet ti lokal a gobierno ditoy nga idadauluan ni Mayor Edgardo S. Cobangbang, Jr. ken iti provincial government nga idadauluan da Gov. Ryan Singson ken Vice Mayor Deogracias Victor Savellano.#