PRO1, nakipartisipar iti sapasap nga earthquake drill

CAMP BGEN OSCAR M FLORENDO, SAN FERNANDO CITY, La Union – Nakipagpaset dagiti personnel ti Police Regional Office 1 (PRO1), Office of the Civil Defense 1(OCD1), Bureau of Jail Management and Penology 1 (BJMP), ken dadduma pay nga opisina ditoy kampo iti nationwide earthquake drill a naangay idi Hulio 23 ditoy.

Kinuna ni PRO1 Regional Director Chief Supt. Roman A. Felix a napateg ti naisayangkat nga earthquake drill agsipud ta pagtalinaedenna a naalerto ken sisasagana ti kapolisan iti kastoy a dumteng a didigra.

Kinuna ni Feliz a kangrunaan a panggep ti drill ti pannakapabileg ti kapabilidad ti kapolisan nga agresponde iti emerhensia a situasion, nangruna iti pannakamanehar ti Incident Command System, panagibakuit, tulong medikal ken rescue operations.

Naiwayat ti drill kas maibatay iti PRO1 Earthquake Contingency Plan.#