PRO1 personnel nagsangay computer troubleshoot

SAN FERNANDO CITY – Sangapulo ket walo a personnel ti Police Regional Office 1 ti nagturpos iti 7-aldaw a seminar iti basic computer hardware servicing and troubleshooting itay Enero 16.

Naggapu manipud kadagiti nadumaduma a PRO1 divisions ken ti 1st Regional Public Safety Battalion dagiti nasao a police personnel a nagsanay iti Saint John Bosco College of Northern Luzon manipud idi Nobiembre 3 agingga idi Nobiembre 14.

Paset ti computer training iti outreach project ti Department of Research and Extension Office and Technical Vocational Education Trainings (TVET) ti nasao a pagadalan ket libre ti panagsanay dagiti partisipante ken inikkanda ida ti pagadalan kadagiti arimienta ken ramit malaksid iti pannaka-accredit dagitoy babaen ti Technical Education and Skills Development Authority (TESDA).

Nagyaman ni Police Chief Superintendent Franklin Jesus B. Bucayu, PRO1 Regional Director, iti SJBCNL gapu iti panangiramanna iti PRO1 kas paset ti nasao a project.

Ni Ms. Brenda M. Gandeza, bise presidente ti SJBCNL ti nangibagi iti pagadalan iti seremonia ti panagturpos.#