Production loan assistance naited tobacco farmers

SAN JUAN, Ilocos Sur – Umabot iti innem a milion ti nailatang a para production loan assistance dagiti mannalon a nakitulag iti babaen ti contract growing ti National Tobacco Administration.

Kinuna ni NTA area supervisor Jose Taclas nga aganay a 500 a mannalon ti nakitulag nga agmula iti tabako babaen ti contract growing ket nakasagana ti 300 ektaria a mamulaan iti tabako.

Iti kaudian a report, kapades ti panagmula dagiti mannalon a nakikontrata iti NTA ken sumagmamano a trading centers ket nasuroken a 150 ektaria dagiti namulaan iti tabako ditoy nga ili.

Kinuna ti area supervisor nga agtultuloy ti pannakaited ti pinansial ken teknikal a tulong kadagiti tobacco farmers tapno masigurado a napintas latta ti maapit manipud iti daytoy a produkto a kangrunaan a pamastrekan daytoy nga ili.#