Programa dagiti addaan rangkap, dakkel a katulongan ti Media: DWSD

SAN FERNANDO CITY – Binigbig ti Department of  Social Welfare and Development Office ti  rehion ditoy ti dakkel a partisipasion ti media iti pannakatulong dagiti umili nga addaan iti rangkap iti bagi.

Kinuna ni  Margarita Sampang, agdama a regional director ti DSWD Region 1, nga adu nga umili nga addaan rangkap ti natulongan ti opisinada babaen ti advocacy wenno panangipaay ti Media iti prioridad nga impormasion kadagiti kakailian nga addaan iti kapansanan ken iti pamiliada.

Kinunana ni Sampang a babaen ti Media, naparpartak ti panakaidanon dagiti impormasion kadagiti umili mainaig kadagiti karbengan ken rebbenganda.

Kinuna ni Sampang a kayatda nga ikkan iti importansia ti mobility dagiti PWDs babaen ti panagitedda iti aramatenda a wheelchair.

“No adda man rangkap ti bagida, dina kayat a sawen a kanibusananen ti lubong, adda pay laeng panunot ken abilidadda a mabalinda nga ipaset iti pagiliantayo,” kinuna ni Sampang. (Danny Antalan)