Footer

Project Isem: 29, naopera ti gusingda

VIGAN CITY – Duapulo ket siam a tattao nga addaan gusing wenno ngongo ti nagdalan iti operasion iti babaen ti Project Isem a naisayangkat manipud iti Nobiembre 9 agingga iti 18.

Proyekto ni dati a Congressman Ronald Singson ti Project Isem kas paset ti panangselebrarna iti kasangayna ngem intultuloy ni Congressman Ryan Singson a simmukat kenkuana.

Kinuna ti maysa a nagannak a dakkel a banag daytoy iti anakna agsipud ta mapukawen ti gusing ti anakna a puon ti nakauy-uyawanna iti kallabes.

Segun iti maysa a doktor, no ipaopera ti pasiente ti gusingna iti pribado nga ospital, makagasto iti aganay P80,000.00 idinto a P15,000.00 met iti publiko nga ospital.#