Project Isem, addan iti maikatlo a tawen

VIGAN CITY – Kinuna ni Cong. Ronald Singson nga agtultuloy ti gannuatna a mangpaisem kadagiti addaan iti gusing ditoy probinsia, aglalo dagiti agnaed iti umuna a distrito ti probinsia.

Impakaammo ni Singson a maisayangkat ti check-up kadagiti adda gusingna iti Abril 7 ken marugian ti operasion inton Abril 11.

Daytoyen ti maikatlo a tawen ti Project Isem ti diputado babaen ti pannakibulig ti Philippine Band of Mercy.#