Promosion ti BArangay Demo Farm, mapapigsa

VIGAN CITY – Kinuna ni Vice Governor Deogracias Victor Savellano nga ad-adalenda no kasano a mapapigsa pay ti promosion ti BArangay Demo Farm agsipud iti kapaliiwan nga adu ti mayem-emplo nga estudiante ditoy iti baet a dida pay nagturpos.

Kinuna ni Savellano nga idinto nga undergraduate pay dagiti estudiante, addan dagiti kompania a mayat a mangiyemplo kadakuada isu nga ad-adalenda no kasano a mapapigsa pay ti promosion ti nasao a pagadalan.

Kinuna ti bise gobernador a simple laeng ti kurso iti BArangay Demo Farm ngem dakkel ti kaipapananna iti pannakadebelop ti probinsia kadagiti barangay ken income para kadagiti pamilia.

Segun ken ni Savellano, adu ti interesado nga agbasa iti demo farm ngem kitkitaenda ti budget no agnayonda dagiti mangisuro ken dagiti gamitda nga agisuro.

Innayon ni Savellano a saan a masapul a high-tech ti demo farm no di ket nasnasken iti praktikal a panagsursuro dagiti estudiante.#